قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى  №532

2014 جىلعى 19 جەلتوقسان,  استانا قالاسى «التىن بەلگى» بەلگىسى تۋرالى ەرەجەنى بەكىتۋ تۋرالى «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 8-2) تارماقشاسىنىڭ 5 بابىنا سايكەس بۇيىرامىن: 1. قوسا بەرىلىپ وتىرعان «التىن بەلگى» بەلگىسى تۋرالى» ەرەجە بەكىتىلسىن. 2. مەكتەپكە دەيىنگى جانە ورتا ءبىلىم, اقپاراتتى تەحنولوگيالار دەپارتامەنتى (ج.ا.جونتاەۆا): 1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەن سوڭ كۇنتىزبەلىك ون كۇن ىشىندە وسى بۇيرىقتى بۇقارالىق اقپارات قۇرالىندا جانە «ادىلەت» اقپاراتتى-قۇقىقتىق جۇيەدە رەسمي جاريالاۋىن; 3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ءبىلىم جانە عىلىم ۆيتسە-ءمينيسترى ە.ن.يمانعاليەۆقا جۇكتەلسىن. 5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا.ءسارىنجىپوۆ. قازاقستان رەسپۋبليكاسى ءبىلىم جانە عىلىم ءمينيسترىنىڭ 2014 جىلعى 19 جەلتوقسانداعى №532 بۇيرىعىمەن بەكىتىلگەن «التىن بەلگى» بەلگىسى تۋرالى ەرەجە 1. وسى ەرەجە «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 8-2) تارماقشاسىنىڭ 5 بابىنا (بۇدان ءارى – زاڭ) سايكەس ازىرلەنگەن. 2. «التىن بەلگى» بەلگىسىمەن مىنا تالاپتارعا سايكەس كەلگەن جاعدايدا: 1) ۇلگىلى مىنەز-ق ۇلىق كورسەتكەن جانە نەگىزگى ورتا جانە جالپى ورتا ءبىلىم بەرۋدى وقۋ باعدارلامالارىنا نەمەسە «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ ءبىلىم بەرۋ وقۋ باعدارلامالارىنا سايكەس وقۋ جوسپارىنىڭ بارلىق پاندەرى بويىنشا وقۋ كەزەڭىندە ءبىلىم بەرۋدىڭ نەگىزگى ورتا جانە جالپى ورتا دەڭگەيلەرىندە «5» دەگەن جىلدىق جانە قورىتىندى باعالارى بار; 2) جالپى ورتا ءبىلىم بەرۋدىڭ قورىتىندى اتتەستاتتاۋىنان «وتە جاقسى» دەگەن باعامەن وتكەن ءبىلىم الۋشىلار ماراپاتتالادى. 3. «التىن بەلگى» بەلگىسىمەن ءبىلىم الۋشىلار نەگىزگى ورتا, جالپى ورتا ءبىلىم بەرۋ جالپى وقۋ باعدارلامالارىن ىسكە اسىراتىن رەسپۋبليكالىق ءبىلىم بەرۋ ۇيىمدارىنىڭ, «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ, وبلىستار, استانا جانە الماتى قالالارى ءبىلىم باسقارمالارىنىڭ ماراپاتتاۋعا ۇسىنىلاتىن ءبىلىم الۋشىلاردىن وسى ەرەجەنىڭ تالاپتارىنا سايكەستىگى تۋرالى ۇسىنىستارى نەگىزىندە قازاقستان رەسپۋبليكاسىنىڭ ءبىلىم بەرۋ سالاسىنداعى ۋاكىلەتتى ورگانىنىڭ بۇيرىق شىعارۋى جولىمەن ماراپاتتالادى. 4. «التىن بەلگى» بەلگىسىمەن ماراپاتتاۋ سالتاناتتى جاعدايدا وتكىزىلەدى. 5. زاڭنىڭ 26-بابىنىڭ 5-تارماعىنا سايكەس «التىن بەلگى» بەلگىسىمەن ماراپاتتالعان ادامداردىڭ كونكۋرس وتكىزۋ كەزىندە ءبىلىم بەرۋ گرانتتارىن الۋعا, سونداي-اق تەحنيكالىق جانە كاسىپتىك, ورتا ءبىلىم بەرۋدەن كەيىنگى جانە جوعارى ءبىلىمدى كادرلار دايارلاۋعا ارنالعان مەملەكەتتىك ءبىلىم تاپسىرىس بويىنشا ءبىلىم الۋشىلار قۇرامىنا قابىلداۋدا باسىم قۇقىعى بار. 6. «التىن بەلگى» بەلگىسىمەن ماراپاتتالۋشى زاڭنامادا بەلگىلەنگەن تارتىپپەن دەنساۋلىق جاعدايى بويىنشا ارنايى تالاپتار كوزدەلگەن جوعارى وقۋ ورنىن تاڭداعان جاعدايدا, دەنساۋلىعى قازاقستان رەسپۋبليكاسىنىڭ زاڭناماسىندا بەلگىلەنگەن ارنايى تالاپتارعا سايكەس كەلگەن جاعدايدا عانا قابىلدانا الادى. 7. وسى ەرەجە مەنشىك ۇلگىسىنە, تۇرىنە, نىسانىنا جانە ۆەدومستۆولىق باعىنىستىلىعىنا قاراماستان, بەلگىلەنگەن تارتىپپەن باستاۋىش, نەگىزگى ورتا جانە جالپى ورتا ءبىلىمنىڭ جالپى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنىڭ ءبىلىم الۋشىلارعا قولدانىلادى. 8. «التىن بەلگى» بەلگىسىن دايىنداۋ وسى ەرەجەگە قوسىمشاعا سايكەس «التىن بەلگى» بەلگىسىنىڭ سيپاتتاماسىنا سايكەس جۇزەگە اسىرىلادى. «التىن بەلگى» بەلگىسى تۋرالى ەرەجەگە قوسىمشا «التىن بەلگى» بەلگىسىنىڭ سيپاتتاماسى «التىن بەلگى» بەلگىسىنىڭ ديامەترى 30 مم شەڭبەر بولادى, ل-80 مىس جانە مىرىش مەتالدارىنىڭ ارنايى قورىتپاسىنان دايىندالادى. بەلگىنىڭ بەت جاعىندا استىنان لاۆر بۇتاعىمەن كومكەرىلگەن اشىق كىتاپ بەينەلەنگەن. وسى بەينەنىڭ ۇستىڭگى جاعىندا «التىن بەلگى» دەگەن التىنمەن جازىلعان جازۋ شىعىڭقىراپ تۇرادى. «التىن بەلگى» جازبا كونتۋرى, اشىق كىتاپ جانە لاۆر بۇتاعىنىڭ بەينەلەرى بەدەر تۇرىندە 1 مم العا شىعىڭقىراپ تۇرادى. بەلگىنىڭ ارتقى جاعىندا «قازاقستان رەسپۋبليكاسى» دەگەن جازۋمەن كومكەرىلگەن قازاقستان رەسپۋبليكاسىنىڭ مەملەكەتتىك ەلتاڭباسى بەينەلەنگەن. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 21 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10115 بولىپ ەنگىزىلدى.